يالاخوه تجاهلتو قرارات الامين
الشعب له من واحده وانتو لكم ثنتين
لماذا حطمتم مارسمه سالمين
وحنا نسجل ماعملتو بينكم لا بين
تداهنتو علينا هاكذا يا ثائرين
الشعب سجل كل غلطه من سنة سبعين
يا كادح فلوس القات تاتي لك منين
كادح ووقت القات توخذ قات بو ميتين
ومن دمع العسل نصف الزجاجه بربعين
واربعه با كت وكوكا با تخذ ثنتين
كم راتبك وكم اسره معك في البيت متفرقين
وكم با تسي في الجيب اذا في ناس متمشين
اوصيك تحذر من قصاع المورفين
الشعب صاحي با يسجل غلطتك في حين
وشف بيحاكمونك ولو تحاكم با تدين
بيصفقون الناس دي قلت انهم راضين
ولقد صفقو بعدين با تصبح سجين
وبعد فتره بيجي في حلقك السكين
هذا ما اقوله وانت افطن يا فطين
كلام امي ما تعلمشي الالف والسين
موضوع: فلوس القات :للشاعرمحمد عوض المشطر 
الإثنين 24 مارس 2008 - 23:15
