&& الفلااااافل &&
القادير :
بسم الله نبلش بالمقادير و الطريقة مع بعض
اول شي كاستين فول و نص كاسة حمص ، بننقعهم بالمي 12 ساعة او اكتر ..
نصف ضمة كزبرة
ملعقتين بقدونس مفروم
ربع كوب خبز يابس مكسر
3 رؤوش ثوم ( رؤوس مش فصوص )
3 بصلات ( مو كتير كبار وسط)
و البهارات::
ملعقتين كبار ملح
ملعقة صغيرة فلفل اسود
ملعقة صغيرة بهار
ملعقة صغيرة كزبرة مطحونة
نصف ملعقة صغيرة كمون
نصف ملعقة صغيرة قرفة
ملعقة صغيرة كربونات الصودا
ملعقة صغيرة بيكنج باودر
![الفلافل بالخطوات والصور >>> CeGk8W09090732](https://2img.net/h/www.lakii.com/img/all/Sep06/CeGk8W09090732.jpg)
بنصفي الفول و الحمص من المي منيح
بعدين بنطحن الفول و الحمص بمفرمة اللحمة يفضل عالناعم
![الفلافل بالخطوات والصور >>> Y6UwTh09090734](https://2img.net/h/www.lakii.com/img/all/Sep06/Y6UwTh09090734.jpg)
بنضيف الثوم و البصل اثناء الطحن
بعدين بنضيف الخبز اليابس، كمان اثناء الطحن
![الفلافل بالخطوات والصور >>> 874bq909090735](https://2img.net/h/www.lakii.com/img/all/Sep06/874bq909090735.jpg)
بنفرم البقدونس و الكزبرة و بنضيفها عالخليط المطحون
![الفلافل بالخطوات والصور >>> C1GuhJ09090736](https://2img.net/h/www.lakii.com/img/all/Sep06/c1GuhJ09090736.jpg)
بنخلطهم و بنفرم مرة تانية عالماكنة مرتين ورا بعض
![الفلافل بالخطوات والصور >>> OhfQAY09090737](https://2img.net/h/www.lakii.com/img/all/Sep06/OhfQAY09090737.jpg)
بعدين بنضيف عالخليط البهارات و الملح و البيكنج باودر
بنعجن مزبوووط و بنغطي الخليط و بنخليه ساعة و نص لساعتين يتخمر
ممكن تشموا الريحة كلها بصل و توم بالاول .. بس بعد شوي بتخف الريحة و بتروح بعد اكتمال مدة التخمير
بعد ما تتخمر الخلطة ، اعجنيها مرة تانية شوي
جهزي المعلقة الخاصة بالفلافل ، و بيجي معها معلقة مسطحة عشان تسوية الفلافل
![الفلافل بالخطوات والصور >>> RDAkds09090744](https://2img.net/h/www.lakii.com/img/all/Sep06/rDAkds09090744.jpg)
[img]
و كمان جهزي صحن صغير في ماء بارد عشان بين كل حبة و حبة تغمسي المعلقة فيها حتى ما تلزق
سخني الزيت و حطي كمية من الخلطة في الملعقة و سويها بالملعقة المسطحة
![الفلافل بالخطوات والصور >>> 756LyR09090744](https://2img.net/h/www.lakii.com/img/all/Sep06/756LyR09090744.jpg)
نزلي الحبة بالزيت و اغمسي الملعقة بالمي بعدين كرري العملية لحد ما تعبي المقلاية ( انا ما لحقت اعبيها اول مرة لانه كان الزيت سخن خفت ينحرقو ) , وديييروا بالكم ما تكون المعلقة فيها مي حتى ما يطرطش زيت
![الفلافل بالخطوات والصور >>> GWjtMr09090745](https://2img.net/h/www.lakii.com/img/all/Sep06/GWjtMr09090745.jpg)
قلبي الحبات حتى يتحمرو منيح ( ممكن يكون الزيت اصلا كتير و يغمر الحبات فما تحتاجي انك تقلبيه )
و هاد هو الشكل النهائي ( معلش كان عنا صحابنا و يااااا دوب خليت شوي اصورهم )
![الفلافل بالخطوات والصور >>> 6Wb4B709090746](https://2img.net/h/www.lakii.com/img/all/Sep06/6Wb4B709090746.jpg)