ســـلــة أوجــــاعــي

"":: ســـلــة أوجــــاعــي ""::




هنا شرح وأجوبة لكل الاسئلة ..


هنا حالة الطقس التي يعيش فيها نسيم البر..


هنا بوح لحبيـبي وشجون قلبي وللصديق وللغريب الذي يجهل نسيم البر





وجع حب وجع خوف وجع شوق وجع ضيقه


على كيفك وهاك اختار، هذي سـلة اوجاعي




غـــلا



غلا، واسمع نزيف الجرح،كلام الصمت مااطيقه


انا محتاج اسولف لك عن اول واخر اوضاعي




وابد لا يجرحك صوتي، حياة الــطير تحلـيـقه


عليك الله تــصـير الكون ، والمسباق والداعـــي




أنـا أصــدق



انا اصدق طير في الدنيا ، عشق حتى مسابيقه


لكن بديت اذكر مـــــــعك ايام مـــــربــاعي




تــعـــال



تعال افتح كــفوفك حلم ، امـــوت بيوم تحـقيـقه


تعال ارسم بحور العشق واكسر لوتبي شراعي




ابغي غيم سرق ربعي، وذلّلـهـمم بتشويقه


اكون اول بشر مجنون تزوره بالعطش قاعي




حتى لو وهم ، تكفى ، ابي أتوهم بـتصـديـقه


ابي ذات ابي مولد يوازي صرخة الناعي




أحـــــس



احـس بداخلي عالم، حرام اقـــتل مـــخاليقـــه


حرام اسكت وانا صوتي نثرته وجه الاتباعي




يا اول قلب يبكيني ، وتبكيني مواثـــيــقه


انا اطباعي ماهي زينه ، بس هذي اطــــباعــي




تغربي قوافي الموت، اقول العمر تشريقه


اعيش بشبه غيبوبه، واعرف ان الزمن واعـــــي




اكـــمــل لك


اكمل لك، وجع خوف وجع شوق وجع ضيقه


على كيفك ترتبني ،، حلالك كـــل اوجــــاعي